ཨེ་ཛིའི་ནད་པ་ཚོས་ནམ་རྒྱུན་བདེ་ཐང་བརྟག་བཤེར་འདི་དག་བྱ་དགོས་ཏེ། འགོག་གཟུགས་གྲུབ་མིན་གྱི་བརྟག་བཤེར་དང་། བརྡར་ཤ་གཅོད་པའི་བརྟག་བཤེར་དང་། ལུས་ཟུངས་ཀྱི་ཚད་ཀྱི་བརྟག་བཤེར་དང་། ནད་དུག་གི་འདུས་ཚད་ཀྱི་བརྟག་བཤེར་དང་། ལུས་པོའི་ཁྱོན་ཡོངས་ཀྱི་བརྟག་བཤེར་དང་། སྨན་དྲེད་དུ་སོང་མིན་གྱི་བརྟག་བཤེར་བཅས་སོ། །

མི་ཞིག་ལ་ཨེ་ཛིའི་ནད་དུག་འགོས་ནས་ནད་དུག་གི་མགོ་གནོན་བྱེད་ཀྱི་སྨན་འཐུང་བའི་གོ་རིམ་དུ་བརྟག་བཤེར་ཆེན་པོ་དྲུག་བྱེད་དགོས་པ་ཡིན།  དང་པོ། ཨེ་ཛིའི་ནད་དུག་འགོས་ཡོད་མེད་ཀྱི་བརྟག་བཤེར་བྱེད་པ་དང་།  གཉིས་པ། ནད་དུག་དེ་འགོས་པ་ཡིན་མིན་གྱི་བརྡར་ཤ་གཅོད་པའི་བརྟག་བཤེར་དང་།  གསུམ་པ། ནད་དུག་འགོས་ཡོད་པ་ཐག་ཆོད་དུས་ལུས་པོའི་ཟུངས་ཅི་འདྲ་ཞིག་ལྷག་ཡོད་པའི་སྐོར་བརྟག་རྒྱུ་དང་། བཞི་པཞ  དེ་ནས་ཁྲག་ཧོ་ཧྲིན་རེ་རེའི་ནང་གི་ཨེ་ཛིའི་ནད་དུག་གི་འདུས་ཚད་ལ་བལྟ་རྒྱུ་དང་།  ལྔ་པ། ཨེ་ཛིའི་ནད་དུག་གི་མགོ་གནོན་བྱེད་ཀྱི་སྨན་མ་འཐུང་བའི་སྔོན་དུ་ལུས་པོ་ཡོངས་རྫོགས་ལ་བརྟག་དཔྱད་བྱས་ནས་དེའི་མཇུག་འབྲས་ལ་གཞིགས་ཅིང་ནད་དུག་གི་མགོ་གནོན་བྱེད་ཀྱི་སྨན་བསྟེན་དགོས་པ་ཡིན།  དྲུག་པ། དེ་ནས་ཨེ་ཛིའི་ནད་དུག་གི་མགོ་གནོན་བྱེད་ཀྱི་སྨན་བསྟེན་པའི་རྗེས་ཀྱི་ཟླ་བ་དྲུག་རེའམ་ལོ་རེ་ཡི་མཚམས་ནས་ནད་དུག་གི་རྣམ་པ་སྨན་དྲེད་དམ་སྨན་གྱི་ནུས་པ་མི་ཐོན་པར་འགྱུར་གྱིན་ཡོད་མེད་ལ་བརྟག་པ་བཅས་ཡིན།